ნინო თარხნიშვილი

მიმართვა აფხაზი ხალხისადმი - „ბოდიში“, ასე ეწოდება იმ კამპანიას, რომელიც ადამიანის უფლებათა ცენტრმა მიმდინარე წლის 14 მარტს დაიწყო და რომელსაც დღეს, თბილისის სახელმწიფო უნივერსიტეტის ჟურნალისტიკის ფაკულტეტზე დისკუსია მიეძღვნა. დიასკუსიას სტუდენტები და ცენტრის წარმომადგენლები ესწრებოდნენ.

მიმართვას აუდიტორიაში არაერთგვაროვანი დამოკიდებულება მოჰყვა. სტუდენტების აზრი თავიდანვე ორ ნაწილად გაიყო. სტუდენტთა ერთი ნაწილის განცხადებით, ქართულ საზოგადოებას შესწევს იმის უნარი, რომ ბოდიში მოიხადოს. თუმცა, ისინი აქვე აღნიშნავენ, რომ საქართველოს ხელისუფლება არ არის მზად და არც აქვს სურვილი იმისა, რომ ასეთი ნაბიჯები გადადგას.

თუმცა, აუდიტორიაში, მიმართვისადმი რადიკალურად განსხვავებული დამოკიდებულებაც გაჩნდა. სტუდენტთა მეორე ნაწილი მიიჩნევს, რომ ქართველებს საბოდიშო არაფერი აქვთ, ამ კამპანიით პრობლემა ვერ მოგვარდება და დაკარგულ ტერიტორიას საქართველო მხოლოდ ომით თუ დაიბრუნებს.   

30 მაი. '07